कोशी प्रदेश
धरानको मेयर पदका ४ जना उम्मेद्वारले आजको अन्तरसंवादमा यसरी राखे आफ्ना एजेण्डा
धरानः नेपाल पत्रकार महासङ्घले बुधबार धरानमा मेयर पदका उम्मेद्वारहरूसँग संवाद कार्यक्रमको आयोजना ग¥यो । यस्तो संवाद कार्यक्रम पहिलो पटक आयोजना गरिएको आयोजकले जनाएको थियो ।
संवाद कार्यक्रममा नेपाल कम्युनिष्ट पार्टीका तर्फबाट उम्मेद्वार बनेका प्रकाश राई, नेपाली काङ्ग्रेसबाट उम्मेदवार बनेका तिलक राई, सङ्घीय समाजवादी पार्टीबाट उम्मेद्वार बनेका गजेन्द्र इस्बो र सङ्घीय लिम्बुवान राष्ट्रिय मञ्चका उम्मेद्वार अमर इजम सहभागी भएका थिए । तिनै उम्मेद्वारले व्यक्त गरेको धारणा यहाँ प्रस्तुत गरिएको छ ।
आयआर्जनसँग जोडिएर काम गर्छुः प्रकाश राई
म आयआर्जनसँग नगरवासीलाई जोड्नेछु । पर्यटन, खेलकुद, कृषि, उद्योग शिक्षा र स्वास्थ्यका क्षेत्रमा विशेष काम गर्नेछु । पूर्व मेयर तारा सुब्बाले प्रतिबद्धता गरेका बाँकी काम पूरा गर्नेछु । ‘सादा जीवन उच्च विचार’को भावनालाई आत्मसात गरी काम गर्नेछु । धरानलाई औद्योगिक ग्राम र खेलग्रामको रुपमा विकास गर्न लाग्नेछु ।
नेतृत्व र नगरवासीबीचको खाडल पूरा गर्नेछुः तिलक राई
२० वर्षअघि धरान जस्तो अवस्थामा थियो अहिले पनि त्यस्तै अवस्थामा छ । धरानको विकास नहुनुमा नगरको नेतृत्व तहमा बसेका पदाधिकारी र नगरवासीबीच समन्वय नभई खाडल देखिनु हो । धरानमा पूर्व जनप्रतिनिधिले इमान्दारितापूर्वक काम गर्न सकेनन् । सेवाग्राही सचेत हुन जरुरी छ । नगरका हरेक गतिविधिमा नगरवासीको सहभागिता गराई काम गर्नेछु । योजनाबद्ध रूपमा अघि बढ्नेछु ।
धरानवासीको हितको लागि लडिरहनेछुः गजेन्द्र इस्बो
हाम्रो दल संविधान संशोधनको मागसहित चुनावी मैदानमा रहेको छ । जनतालाई नयाँ दिशानिर्देश गर्न लागिपर्नेछु । आफू भूपू गोर्खा सैनिक भएको हुनाले गोर्खा सैनिकको हकको लागि बेलायती सरकारसँग लड्दा धरानवासीले जसरी साथ दिनुभयो त्यसरी नै अहिले पनि साथ दिनुहुनेछ । विज्ञले दिएको सुझावको आधारमा म अघि बढ्नेछु । बहुमतको दम्भमा नेतृत्वले पेलेर जाने पद्धतिको अन्त्य हुनुपर्छ ।
धरानलाई प्रदेश राजधानी बनाउन लागिपर्नेछुः अमर इजम
पहिचानको विषयमा मेरो मुख्य एजेण्डा हुनेछ । पहिलेको विरासतलाई कायम गर्न धरानलाई प्रादेशिक राजधानी बनाउन लागिपर्नेछु । पछिल्लो समयमा नेतृत्वमा भ्रष्टाचारको गन्ध आउने गरेको छ । त्यसको विरुद्धमा लाग्नेछु । ‘दारी, इमान्दारी, धरानको विकासमा लाग्ने तयारी’ मेरो नारा रहेको छ । इमान्दारी भएठाउँ जनविश्वास हुन्छ । म इमान्दारिताका साथ काम गर्नेछु । सुकुम्बासीलाई घर नम्बर मात्रै दिने होइन धनीपूर्जा दिने काम गर्नेछु ।
कार्यक्रममा अमर सेवा समाजका हरिबहादुर लिम्बू, रोटरी क्लबका रबिन श्रेष्ठ, महिला अधिकारकर्मी सबिता राई, लैङ्गिक अल्पसङ्ख्यक दीपिका राई, ज्येष्ठ नागरिक शान्ता अधिकारी, व्यवसायी विष्णु बराल, अधिवक्ता मौसमी राई पत्रकार रत्न आचार्यलगायतले उम्मेद्वारसँग जिज्ञासा राखेका थिए ।
त्यस्तै, विनोद विश्वकर्मा, कुमार कार्की, शिला बज्राचार्य, विनोद आलेमगर, केदार बराइली, हिमाल श्रेष्ठ, प्रेमप्रसाद पराजुली, गंगाप्रसाद रेग्मीलगायतले उम्मेद्वारका एजेण्डामा केन्द्रित रहेर प्रश्न गरेका थिए ।
सहभागीले धरानको खानेपानी, स्वास्थ्य, सीमा विवाद, यातायात, एयरपोर्ट, दलित, जनजाति, महिला आदिका मुद्दा, बसपार्क निर्माण, सुकुम्बासी समस्यालगायतका विषयमा प्रश्न राखेका थिए ।
आज बिहान २ घण्टा चलेको कार्यक्रममा २ सय जनाभन्दा बढी सहभागी थिए । पत्रकार दिलभूषण पाठकले सहजीकरण गरेको उक्त संवाद कार्यक्रममा धरानमा हुने उप निर्वाचनमा उम्मेद्वार रहेका ४ जना उम्मेद्वारले आफ्नो एजेण्डा प्रस्तुत गर्नुका साथै सहभागीले राखेका जिज्ञासाको जवाफ दिएका थिए ।
Facebook Comment
कोशी प्रदेश सरकारले पहिलो पटक आयोजना गरेको प्रदेश लगानी सम्मेलनमा १ खर्ब ५२ अर्ब १६ करोड बराबरको लगानी सम्झौता भएको छ ।
कोशी प्रदेशका मुख्यदमन्त्री हिक्मतकुमार कार्कीको उपस्थितिमा भएको समापन समारोहमा १ खर्ब ५२ अर्ब १६ करोड लागत अनुमान भएका ४६ वटा परियोजना सञ्चालनका लागि सम्झौता भएको हो ।
प्रदेश लगानी प्राधिकरणका अनुसार कृषि तर्फ आठ परियोजनामा ३ अर्ब, ऊर्जा तर्फ तीन परियोजनामा आठ अर्ब, ६२ करोड, उद्योग तर्फ १२ परियोजनाका लागि ६६ अर्ब ८७ करोड, पूर्वाधारका नौ परियोजना तर्फ ३८ अर्ब ४१ करोड, पर्यटनका १० परियोजनाका ३४ अर्ब १९ करोड, सूचना प्रविधिका दुई परियोजनामा ४७ करोड, फोहोर मैला व्यवस्थापनको ६० करोडको परियोजना सम्झौता भएको हो ।
निजी क्षेत्रका १९ वटा र सार्वजनिक निजी साझेदारीका २७ वटा परियोजना सम्झौता भएको हो । सम्मेलनमा ७१ वटा परियोजना सोकेसिङ गरिएको थियो ।ती परियोजनाको अनुमानित लागत एक खर्ब ७३ अर्ब ४९ करोडको थियो । समापन समारोहलाई सम्बोधन गर्दै कोशी प्रदेशका मुख्यमन्त्री कार्कीले लगानी सम्मेलन सफल भएको बताए ।
कोशी प्रदेश सरकारले पहिलो पटक आयोजना गर्ने प्रदेश लगानी सम्मेलनको तयारी पुरा भएको छ । १८ र १९ वैशाखमा विराटनगरमा लगानी सम्मेलन हुँदैछ ।
सम्मेलनको तयारी पूरा भएको कोशी प्रदेश लगानी प्राधिकरणका कार्यकारी निर्देशक सरोज कोइरालाले बताए । उनका अनुसार सम्मेलनका लागि ७१ वटा परियोजना प्रस्तुत गरिनेछ । ती परियोजनाको लागत १ खर्ब ७१ अर्ब हाराहारी छ ।
विराटनगरको वीरेन्द्र सभागृहमा हुने सम्मेलनको उद्घाटन प्रधानमन्त्री केपी शर्मा ओलीले उद्घाटन गर्ने तयारी रहेको कोइरालाले बताए । सम्मेलनमा पर्यटन, पूर्वाधार, कृषि, औद्योगिक, ऊर्जा, सूचना प्रविधि र फोहोर व्यवस्थापनलगायत शीर्षक ७१ वटा परियोजना राखिने उनले बताए ।
कृषि तर्फ ४ सय ७० करोड, ऊर्जा क्षेत्रमा २ सय ७७ करोड, औद्योगिक क्षेत्रमा ६५ अर्ब ४० करोड, पूर्वाधार तर्फ ३१ अर्ब १ करोड, आइटी तर्फ ४७ करोड, पर्यटन तर्फ ३५ अर्ब ९७ करोडलगानी भित्र्याउने लक्ष्य राखिएको छ । प्रदेशले लोकल रक्सी ब्राण्डिङदेखि होटल निर्माण, पोडवे सञ्चालन लगायत योजना अघि सारेको छ ।
सम्मेलनमा कोशीका ११ वटा पहाडी जिल्लामा कोदोको रक्सी उद्योग स्थापनाका लागि लगानी जुटाउने लक्ष्य राखेको छ ।
विराटनगरमा मल्टिपर्पाेज कमर्सियल कम्प्लेक्स, फाइभ स्टार होटल, पब्लिक ट्रान्सपोर्ट प्रोजेक्ट, कोशी पोडवे पूर्वाधार निर्माण, विद्युतीय सवारी उद्योग, डाटा सेन्टर स्थापना, डिजिटल कोशीका लागि पूर्वाधार, बेतना सिमसार टुरिजम प्रोजेक्टलगायत योजना मोरङमा छन् ।
सुनसरीमा एग्रो प्रोसेसिङ उद्योग, बर्जुमा बर्जु ताल टुरिजम प्रोजेक्ट, रास ताल टुरिजम प्रोजेक्ट, वाटर पार्क निर्माण, कोशी रिफ्रेसमेन्ट सेन्टर र ग्रीन हाइड्रोजन एण्ड केमिकल फर्टिलाइजर प्रोजेक्टलगायत परियोजना प्रस्तुत हुनेछ ।
उदयपुुरमा क्लिङ्कर प्रोजेक्ट, ग्रीन हाइड्रोजन एण्ड केमिकल फर्टिलाइजर प्रोजेक्ट, झापामा बायो फर्टिलाइजर प्रोडक्सन एण्ड रिसर्च उद्योग, काँकडभिट्टा बसपार्क, मेचीनगरमा इन्टग्र्रेटेड सोलिड वेस्ट मेनेजमेन्ट प्रोजेक्ट, इलाममा देउमाई कफी फार्म, डेरी प्रोडक्ड एण्ड प्रोसेसिङ उद्योग, कन्याम–श्रीअन्तु केबलकार, बुद्धपार्क चित्रे गुम्बा केबलकार, कन्याम मनोरेल प्रोजेक्टलगायत योजना छन् ।
धनकुटामा फ्रुट्स फार्मिङ प्रोसेसिङ उद्योग एग्रो टुरिजम, साँघुरीगढीमा किबी फार्मिङ प्रोसेसिङ उद्योग, एभोकाडो फार्मिङ प्रोसेसिङ उद्योग, भेडेटारमा मल्टिपर्पाेज कम्प्लेक्स, राजाताल टुरिजम प्रोजेक्टलगायत योजना छन् ।
सोलुखुम्बुमा मिनी हाइड्रो परियोजना, चिउरीखर्क नाम्चे रोपवे, चौंरीखर्च छेदिङमा केबलकार, खोटाङमा हलेसी केबलकार–पोडवे निर्माण गर्ने प्रोजेक्ट सम्मेलनमा प्रस्तुत हुनेछ ।
लगानी सम्मेलनका लागि प्रदेश सरकारले ३ करोड रुपैयाँ बजेट छुट्याएको छ । प्रदेश सरकारले आयोजना गर्ने सम्मेलनको सचिवालय व्यवस्थापनमा मात्रै ४० लाख ६० हजार रुपैयाँ बजेट छुट्याएको छ ।
नेकपा एमाले सुन्दरहरैंचाको दोस्रो अधिवेशनबाट अध्यक्षमा डिल्लि प्रसाद ढकाल विजयी भएका छन्। हिजो विराटचोकमा शुरु भएको दोश्रो अधिवेशनमा सहमतिको अन्तिम प्रयास गर्दा पनि सर्बसम्मत हुन नसकेपछि आज अध्यक्ष सहित सम्पूर्ण पदाधिकारीका लागि निर्वाचन भएको हो। अध्यक्षमा विजयी ढकालले १५७ मत प्राप्त गरेभने अर्का अध्यक्षका प्रत्याशी हेमराज सुबेदीले ११५ मत प्राप्त गरे त्यस्तै उपाध्यक्षमा दुर्गा निरौलाले १६४ मत प्राप्त गर्दै विजय भैंइन प्रत्याशी अम्बिका दाहालले १०० मत प्राप्त गरिन ,त्यस्तै सचिवमा दावा तामांग १४९ मत सहित बिजयी भए भने प्रत्याशी बिशाल गुरागाईंले १२१ मत प्राप्त गरे , सहसचिवमा खगेन्द्र पन्धाक १६५ मत र राजेन्द्र धमला १२६ मत सहित बिजयी भएका छन् ।
।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login