तिमोथी चालमेट र जेन्डाया स्टारर ‘ड्युन : पार्ट २’ विश्व फिल्मको तथ्यांक राख्ने आईएमडीबीमा अहिलेसम्म सबैभन्दा उच्च रेटिङ प्राप्त गर्ने फिल्म बनेको छ । यो लोकप्रिय रिभ्यु वेबसाइटमा उक्त साइन्स फिक्सन फिल्मले १० मध्ये ९.४ रेटिङ प्राप्त गरेको छ ।

‘एभेन्जर्स : एण्डगेम’को ८.४ र ‘अवतार’को ७.८ रेटिङलाई उछिन्दै ‘ड्युन २’ शीर्षस्थानमा उक्लिएको हो । यसअघि ९.१ र ९.३ रेटिङको बीचमा अंक प्राप्त गरेका महान् फिल्महरु ‘द गडफादर’, ‘द सशांक रिडेम्पसन’ र ‘द डार्क नाइट’को रेटिङलाई पनि यो फिल्मले उछिनेको छ । ‘ड्युन’को पहिलो भागले ८.१ रेटिङ प्राप्त गरेका थियो भने ६ विधामा ओस्कार जितेको थियो ।

भारतमा जारी मिस वर्ल्डमा प्रतिस्पर्धा गरिरहेकी प्रियंकारानी जोशी बाघ संरक्षणका लागि ग्लोबल एम्बासडर घोषित भएकी छन् । मिस वर्ल्डको एक विधा मल्टिमिडिया च्यालेन्ज अन्तर्गत अब उनले ‘बाघ बचाऔं’ भन्ने अभियान पनि चलाउनुपर्नेछ ।

नयाँ दिल्लीमा आयोजित समारोहमा प्रियंकासहित मिस वर्ल्डका सुन्दरीलाई ‘सेभ द टाइगर’को सद्भावना दूतको रुपमा घोषणा गरियो । प्रियंकाले ‘सेभ द टाइगर’ लेखिएको टिसर्ट पनि पहिरिएकी थिइन् ।

अभिनेत्री नन्दिता केसीले प्रेमी अरविन्द्र कटवालसँग इन्गेजमेन्ट गरेकी छन् । केही दिनअघि क्यानडामा यी दुईबीच इन्गेजमेन्ट भएको बताइएको छ ।

मुटुरोग विशेषज्ञ समेत रहेका कटवाल अमेरिकाको नर्थ क्यारोलिनामा बस्दै आएका छन् । उनको परिवार भने काठमाडौंमा रहेको जनाइएको छ । सामाजिक संजालमा प्रेमीसँगको तस्वीर सेयर गर्दै आफूले उनको प्रेम स्वीकारेको उल्लेख गरेकी छन् ।