कोशी प्रदेश
खिचातानीले गर्दा अलपत्र हुँदै बाघझोडा सिमसार
विराटचोकः चारकोशे जङ्गलको छेउमा रहेको बाघझोडा सिमसार ७ बिघा ५ कठ्ठा १२ धुर क्षेत्रफलमा फैलिएको छ । त्यहाँ बाह्रै मास पानी हुन्छ । त्यहाँको जलाशयलाई सदुपयोग गर्दै स्थानीय समुदायको आर्थिक स्तर उकास्न सकिने उपाय हुँदाहुँदै पनि बाघझोडा संरक्षण समितिको अहमताले गर्दा ओझेलमा परेको छ ।
सो सिमसार संरक्षण समितिका अध्यक्ष चन्द्रबहादुर गुरुङ भने स्थानीय सरकारलाई ढोग्दै नजाने बताउँछन् । गुरुङ तत्कालीन नेकपा एमालेको तर्फबाट संविधानसभा सदस्य समेत भइसकेका व्यक्ति हुन् । गुरुङले निष्पक्ष खबरसँगको कुराकानीमा भने, ‘बाघझोडाका विषयमा स्थानीय सरकार जानकार भएकाले कुनै योजना माग गरिएको छैन ।
संरक्षण समितिले प्रदेश सरकारले दिएको २० लाख रुपैयाँ, राष्ट्रपति चुरेभावर संरक्षणले विनियोजन गरेको १५ लाख रुपैयाँ, साझेदारी वनले दिएको ५ लाख गरी ४० लाख रुपैयाँले करीब १ करोड रुपैयाँबराबरको काम गरेको उनले बताए ।
पूर्वपश्चिम राजमार्गमा रहेको खोर्साने चोकदेखि १ किलोमिटर उत्तरमा रहेको सिमसारका लागि स्थानीय सरकारसँग बजेट विनियोजन गर्न मौखिक रूपमा माग गरिएको गुरुङले बताए ।
समिति र साझेदारीको विवाद
यता, केराबारी लोहन्द्रा साझेदारी वनले आफूले समितिको खातामा ५ लाख रुपैयाँको चेक काटेको वर्ष दिन बितिसक्दा समेत कुनै बिल भरपाई नआएको र चिठी पठाउन बाध्य भएको बताएको छ । समितिले पुन ५० लाख रुपैयाँ रकम माग गरेको र पुरानो निकासा भएको रकमको पनि बिल नदिएकाले बेरुजु गर्ने बताएको छ ।
समितिका अध्यक्ष गुरुङ भने बिलभरपाइका बारेमा सोध्दा अनौठो जवाफ दिन्छन् । आफ्नो व्यक्तिगत रकमसमेत समितिमा खर्च गरेकाले कुनै बिल भरपाई देखाउनु नपर्ने बताउँदै उनले साझेदारी वनले १० लाख दिने भनी झुक्याएकाले पुनः ५ लाख आएपछि मात्र बिल भरपाई पेश गर्ने जवाफ गुरुङले दिए ।
यो सिमसार क्षेत्र मोरङको सुन्दरहरैंचा नगरपालिका–१० मा पर्छ । सिमसारको पानीले सयौँ बिघा जमिनमा खेती हुने गरेको छ । मनोरञ्जन स्थल, फनपार्क, पिकनिक स्पट, विभिन्न प्रजातिका रुख यो सिमसार क्षेत्रमा रहेका छन् ।
स्थानीय सरकारको भनाइ
सुन्दरहरैंचा नगरपालिकाका प्रमुख शिवप्रसाद ढकालले बाघझोडा सिमसार क्षेत्र मोरङ जिल्लाकै पुरानो सिमसार भएकाले यसको संरक्षणका लागि नगरमा माग हुनुपर्नेमा कसैले माग नगरेको बताए । नगरपालिकाले सो सिमसारको डीपीआर बनाउन चाहे पनि सम्बन्धित समिति र सरकोकारवाला कसैले पनि चासो नदेखाएकाले ओझेलमा परेको बताए ।
स्थानीयवासी के भन्दछन् ?
उता, स्थानीयवासीले सरकारले जतिसुकै बजेट दिए पनि विकास नहुने भन्दै गुनासो गर्दै आएका छन् । उनीहरू समितिको कामका विषयमा कसैले मुख खोल्न सक्ने अवस्था नरहेको बताउँछन् । आँखा अगाडि यस्तो पर्यटकीय क्षेत्र कुरूप भएको हेर्नुबाहेक कुनै विकल्प नभएको स्थानीय बताउँछन् । बाघझोडा सिमसार क्षेत्र प्रदेश १ को उत्कृष्ट पर्यटकीय स्थल बन्ने हुँदाहुँदै पनि राजनीतिक खिचातानी र जुँगाको लडाइँले ओझेलमा परेको छ ।
सरकारले नेपाल भ्रमण वर्ष घोषणा गरेरै मनाउने तयारी गरेको छ । राजनीतिक दाउपेच तथा व्यक्तिगत स्वार्थका कारण पर्यटकीय क्षेत्र ओझेलमा पर्दा सरकारको पर्यटन वर्ष नारालाई गिज्याइरहेको प्रष्ट देख्न सकिन्छ ।
Facebook Comment
कोशी प्रदेश सरकारले पहिलो पटक आयोजना गरेको प्रदेश लगानी सम्मेलनमा १ खर्ब ५२ अर्ब १६ करोड बराबरको लगानी सम्झौता भएको छ ।
कोशी प्रदेशका मुख्यदमन्त्री हिक्मतकुमार कार्कीको उपस्थितिमा भएको समापन समारोहमा १ खर्ब ५२ अर्ब १६ करोड लागत अनुमान भएका ४६ वटा परियोजना सञ्चालनका लागि सम्झौता भएको हो ।
प्रदेश लगानी प्राधिकरणका अनुसार कृषि तर्फ आठ परियोजनामा ३ अर्ब, ऊर्जा तर्फ तीन परियोजनामा आठ अर्ब, ६२ करोड, उद्योग तर्फ १२ परियोजनाका लागि ६६ अर्ब ८७ करोड, पूर्वाधारका नौ परियोजना तर्फ ३८ अर्ब ४१ करोड, पर्यटनका १० परियोजनाका ३४ अर्ब १९ करोड, सूचना प्रविधिका दुई परियोजनामा ४७ करोड, फोहोर मैला व्यवस्थापनको ६० करोडको परियोजना सम्झौता भएको हो ।
निजी क्षेत्रका १९ वटा र सार्वजनिक निजी साझेदारीका २७ वटा परियोजना सम्झौता भएको हो । सम्मेलनमा ७१ वटा परियोजना सोकेसिङ गरिएको थियो ।ती परियोजनाको अनुमानित लागत एक खर्ब ७३ अर्ब ४९ करोडको थियो । समापन समारोहलाई सम्बोधन गर्दै कोशी प्रदेशका मुख्यमन्त्री कार्कीले लगानी सम्मेलन सफल भएको बताए ।
कोशी प्रदेश सरकारले पहिलो पटक आयोजना गर्ने प्रदेश लगानी सम्मेलनको तयारी पुरा भएको छ । १८ र १९ वैशाखमा विराटनगरमा लगानी सम्मेलन हुँदैछ ।
सम्मेलनको तयारी पूरा भएको कोशी प्रदेश लगानी प्राधिकरणका कार्यकारी निर्देशक सरोज कोइरालाले बताए । उनका अनुसार सम्मेलनका लागि ७१ वटा परियोजना प्रस्तुत गरिनेछ । ती परियोजनाको लागत १ खर्ब ७१ अर्ब हाराहारी छ ।
विराटनगरको वीरेन्द्र सभागृहमा हुने सम्मेलनको उद्घाटन प्रधानमन्त्री केपी शर्मा ओलीले उद्घाटन गर्ने तयारी रहेको कोइरालाले बताए । सम्मेलनमा पर्यटन, पूर्वाधार, कृषि, औद्योगिक, ऊर्जा, सूचना प्रविधि र फोहोर व्यवस्थापनलगायत शीर्षक ७१ वटा परियोजना राखिने उनले बताए ।
कृषि तर्फ ४ सय ७० करोड, ऊर्जा क्षेत्रमा २ सय ७७ करोड, औद्योगिक क्षेत्रमा ६५ अर्ब ४० करोड, पूर्वाधार तर्फ ३१ अर्ब १ करोड, आइटी तर्फ ४७ करोड, पर्यटन तर्फ ३५ अर्ब ९७ करोडलगानी भित्र्याउने लक्ष्य राखिएको छ । प्रदेशले लोकल रक्सी ब्राण्डिङदेखि होटल निर्माण, पोडवे सञ्चालन लगायत योजना अघि सारेको छ ।
सम्मेलनमा कोशीका ११ वटा पहाडी जिल्लामा कोदोको रक्सी उद्योग स्थापनाका लागि लगानी जुटाउने लक्ष्य राखेको छ ।
विराटनगरमा मल्टिपर्पाेज कमर्सियल कम्प्लेक्स, फाइभ स्टार होटल, पब्लिक ट्रान्सपोर्ट प्रोजेक्ट, कोशी पोडवे पूर्वाधार निर्माण, विद्युतीय सवारी उद्योग, डाटा सेन्टर स्थापना, डिजिटल कोशीका लागि पूर्वाधार, बेतना सिमसार टुरिजम प्रोजेक्टलगायत योजना मोरङमा छन् ।
सुनसरीमा एग्रो प्रोसेसिङ उद्योग, बर्जुमा बर्जु ताल टुरिजम प्रोजेक्ट, रास ताल टुरिजम प्रोजेक्ट, वाटर पार्क निर्माण, कोशी रिफ्रेसमेन्ट सेन्टर र ग्रीन हाइड्रोजन एण्ड केमिकल फर्टिलाइजर प्रोजेक्टलगायत परियोजना प्रस्तुत हुनेछ ।
उदयपुुरमा क्लिङ्कर प्रोजेक्ट, ग्रीन हाइड्रोजन एण्ड केमिकल फर्टिलाइजर प्रोजेक्ट, झापामा बायो फर्टिलाइजर प्रोडक्सन एण्ड रिसर्च उद्योग, काँकडभिट्टा बसपार्क, मेचीनगरमा इन्टग्र्रेटेड सोलिड वेस्ट मेनेजमेन्ट प्रोजेक्ट, इलाममा देउमाई कफी फार्म, डेरी प्रोडक्ड एण्ड प्रोसेसिङ उद्योग, कन्याम–श्रीअन्तु केबलकार, बुद्धपार्क चित्रे गुम्बा केबलकार, कन्याम मनोरेल प्रोजेक्टलगायत योजना छन् ।
धनकुटामा फ्रुट्स फार्मिङ प्रोसेसिङ उद्योग एग्रो टुरिजम, साँघुरीगढीमा किबी फार्मिङ प्रोसेसिङ उद्योग, एभोकाडो फार्मिङ प्रोसेसिङ उद्योग, भेडेटारमा मल्टिपर्पाेज कम्प्लेक्स, राजाताल टुरिजम प्रोजेक्टलगायत योजना छन् ।
सोलुखुम्बुमा मिनी हाइड्रो परियोजना, चिउरीखर्क नाम्चे रोपवे, चौंरीखर्च छेदिङमा केबलकार, खोटाङमा हलेसी केबलकार–पोडवे निर्माण गर्ने प्रोजेक्ट सम्मेलनमा प्रस्तुत हुनेछ ।
लगानी सम्मेलनका लागि प्रदेश सरकारले ३ करोड रुपैयाँ बजेट छुट्याएको छ । प्रदेश सरकारले आयोजना गर्ने सम्मेलनको सचिवालय व्यवस्थापनमा मात्रै ४० लाख ६० हजार रुपैयाँ बजेट छुट्याएको छ ।
नेकपा एमाले सुन्दरहरैंचाको दोस्रो अधिवेशनबाट अध्यक्षमा डिल्लि प्रसाद ढकाल विजयी भएका छन्। हिजो विराटचोकमा शुरु भएको दोश्रो अधिवेशनमा सहमतिको अन्तिम प्रयास गर्दा पनि सर्बसम्मत हुन नसकेपछि आज अध्यक्ष सहित सम्पूर्ण पदाधिकारीका लागि निर्वाचन भएको हो। अध्यक्षमा विजयी ढकालले १५७ मत प्राप्त गरेभने अर्का अध्यक्षका प्रत्याशी हेमराज सुबेदीले ११५ मत प्राप्त गरे त्यस्तै उपाध्यक्षमा दुर्गा निरौलाले १६४ मत प्राप्त गर्दै विजय भैंइन प्रत्याशी अम्बिका दाहालले १०० मत प्राप्त गरिन ,त्यस्तै सचिवमा दावा तामांग १४९ मत सहित बिजयी भए भने प्रत्याशी बिशाल गुरागाईंले १२१ मत प्राप्त गरे , सहसचिवमा खगेन्द्र पन्धाक १६५ मत र राजेन्द्र धमला १२६ मत सहित बिजयी भएका छन् ।
।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login