कोशी प्रदेश
लागूऔषध प्रयोगलाई न्यून बनाउन प्रहरीसँग भएको अन्तरक्रियाका सहभागीको सुझाव
विराटचोकः समुदाय– प्रहरी साझेदारी कार्यक्रमअन्तर्गत विराटचोकमा पालिकास्तरीय अन्तरक्रिया सम्पन्न भएको छ ।
शुक्रबार सुन्दरहरैँचा नगरपालिकाको सभाहलमा आयोजित अन्तरक्रियामा जनप्रतिनिधि र विभिन्न सङ्घ संस्थाका प्रतिनिधिको उपस्थिति रहेको थियो । सुन्दरहरैँचा नगरपालिकाका नगरप्रमुख एवं ‘समुदाय प्रहरी साझेदारी’ कार्यक्रम अन्तर्गत पालिकास्तरीय समितिका संयोजक शिवप्रसाद ढकालको संयोजकत्वमा अन्तरक्रिया सम्पन्न भएको थियो ।
छलफलमा शान्ति सुरक्षा, चोरी, घरेलु हिंसा, लागूऔषध र साइबर क्राइमसम्बन्धी विषयहरूमा अन्तरक्रिया भएको थियो ।
नगरप्रमुख ढकालले समग्र नगरका नागरिकलाई शान्ति, सुरक्षाको प्रत्याभूत गराउन सफल भएको भन्दै प्रहरीलाई धन्यवाद दिएका थिए । ढकालले प्रहरीले दिएको राजस्व तथ्याङ्कलाई उपलब्धिमूलक भएको बताए । आपराधिक घटना हेर्दा सुन्दरहरैंचा शान्त देखिए पनि अहिले चोरीका घटना दिनप्रतिदिन बढ्दै गएको बताउँदै प्रहरीले यसतर्फ ध्यान दिनुपर्नेमा जोड दिएका थिए ।
चोकचोकमा क्यारम बोर्ड, लुँडोजस्ता खेलमा हजारौँ रुपैयाँको बाजी खेल्ने गरेको गुनासो आएकाले यसलाई २ ओटै सुरक्षा निकायले चासो देखाउनुपर्ने उनले बताएका थिए । यस्तै, नगर क्षेत्रका सम्भावित लागूऔषध प्रयोग हुने क्षेत्रका बारेमा समेत सहभागीले जानकारी गराएका थिए ।
यसैगरी, विद्यालयमा समेत लागूऔषध प्रयोग हुन थालेकाले ठूलो समस्या निम्तिन नदिन विद्यालयका प्रधानाध्यापकसँग छलफल गर्नुपर्ने बताएका थिए । यसैगरी पछिल्लो अवस्थामा इलाका प्रहरी कार्यालय बेलबारीले चालेको कदमले यस क्षेत्रको शान्ति सुरक्षा मजबुत रहेको बताएका थिए ।
उपप्रमुख धनमाया तामाङले प्रहरीले गाउँगाउँ र टोलटोलमा गएर सन्देशमूलक कार्यक्रम सञ्चालन गर्नुपर्ने धारणा राखेकी थिइन् ।
प्रमुख प्रशासकीय अधिकृत गणेशप्रसाद दाहालले प्रहरी २ किसिमको हुने बताउँदै शान्ति सुरक्षा कायम गर्न बर्दीवाल र बर्दीविहीन दुवै प्रकारको प्रहरीले सहयोग गर्नुपर्ने उल्लेख गरे । कुनै घटना हुनेबित्तिकै प्रहरीलाई खबर गर्नुपर्ने उनको भनाइ थियो ।
इलाका प्रहरी कार्यालयका प्रमुख गुणराज बुढाथोकीले सहभागीले उठाएका प्रश्नहरूको जवाफ दिनुको साथै कार्यालयले गरेको प्रगति विवरण समेत प्रस्तुत गरेका थिए ।
बुढाथोकीले प्रहरीले धनी गरिब केही नहेरी कानुन अनुसार न्याय प्रदान गर्दै आएको बताएका थिए । उनले ईलाका प्रहरी कार्यालय बेलबारीले लागूपदार्थ साथै साइबर क्राइम सम्बन्धी प्रोजेक्ट पनि यस क्षेत्रमा सञ्चालनमा ल्याउने जानकारी गराएका थिए ।
बुढाथोकीले कसैलाई झुटो आरोपमा मुद्दा दर्ता नगराएको बताउँदै त्यस्तो गरेको पाइएमा कार्वाही हुने बताएका थिए । उनले यस क्षेत्रमा पछिल्लो समय लागूऔषध सेवनमा रोकथाम हुँदै आएको दाबी गरेका थिए ।
यस्तै, इलाका प्रहरी कार्यालयले ५ महिनाको अवधिमा १ करोड ६५ हजार रुपैयाँ राजस्व सङ्कलन गरी बेलबारीको हकमा सबै भन्दा धेरै राजस्व सङ्कलन गरेको बताएका थिए ।
कार्यक्रममा जनप्रतिनिधिहरू, नेपाल प्रहरी, सशस्त्र प्रहरी, विभिन्न सङ्घसंस्था, महिला अधिकारकर्मी, पत्रकार, समितिका सदस्यहरू एवं समुदायले खेल्नुपर्ने भूमिकाको सम्बन्धमा छलफल गरिएको थियो । छलफलमा सहभागी अधिकांश वक्ताहरूले शान्ति सुरक्षाको अवस्था, युवा कुलतमा लाग्न सक्ने सम्भावना, सवारी दुर्घटना कम गराउने विषयमा जिज्ञासा राखेका थिए ।
कार्यक्रममा सुन्दरहरैंचा नगरपालिकाका वडा नम्बर १ का अध्यक्ष विनोद बस्नेत, वडा नम्बर ४ का शैलेन्द्र श्रेष्ठ, वडा नम्बर ११ का बिसनलाल चौधरी, वडा नम्बर १२ का रोशनप्रसाद ढकाललगायतले आफ्नो धारणा राखेका थिए ।
Facebook Comment
कोशी प्रदेश सरकारले पहिलो पटक आयोजना गरेको प्रदेश लगानी सम्मेलनमा १ खर्ब ५२ अर्ब १६ करोड बराबरको लगानी सम्झौता भएको छ ।
कोशी प्रदेशका मुख्यदमन्त्री हिक्मतकुमार कार्कीको उपस्थितिमा भएको समापन समारोहमा १ खर्ब ५२ अर्ब १६ करोड लागत अनुमान भएका ४६ वटा परियोजना सञ्चालनका लागि सम्झौता भएको हो ।
प्रदेश लगानी प्राधिकरणका अनुसार कृषि तर्फ आठ परियोजनामा ३ अर्ब, ऊर्जा तर्फ तीन परियोजनामा आठ अर्ब, ६२ करोड, उद्योग तर्फ १२ परियोजनाका लागि ६६ अर्ब ८७ करोड, पूर्वाधारका नौ परियोजना तर्फ ३८ अर्ब ४१ करोड, पर्यटनका १० परियोजनाका ३४ अर्ब १९ करोड, सूचना प्रविधिका दुई परियोजनामा ४७ करोड, फोहोर मैला व्यवस्थापनको ६० करोडको परियोजना सम्झौता भएको हो ।
निजी क्षेत्रका १९ वटा र सार्वजनिक निजी साझेदारीका २७ वटा परियोजना सम्झौता भएको हो । सम्मेलनमा ७१ वटा परियोजना सोकेसिङ गरिएको थियो ।ती परियोजनाको अनुमानित लागत एक खर्ब ७३ अर्ब ४९ करोडको थियो । समापन समारोहलाई सम्बोधन गर्दै कोशी प्रदेशका मुख्यमन्त्री कार्कीले लगानी सम्मेलन सफल भएको बताए ।
कोशी प्रदेश सरकारले पहिलो पटक आयोजना गर्ने प्रदेश लगानी सम्मेलनको तयारी पुरा भएको छ । १८ र १९ वैशाखमा विराटनगरमा लगानी सम्मेलन हुँदैछ ।
सम्मेलनको तयारी पूरा भएको कोशी प्रदेश लगानी प्राधिकरणका कार्यकारी निर्देशक सरोज कोइरालाले बताए । उनका अनुसार सम्मेलनका लागि ७१ वटा परियोजना प्रस्तुत गरिनेछ । ती परियोजनाको लागत १ खर्ब ७१ अर्ब हाराहारी छ ।
विराटनगरको वीरेन्द्र सभागृहमा हुने सम्मेलनको उद्घाटन प्रधानमन्त्री केपी शर्मा ओलीले उद्घाटन गर्ने तयारी रहेको कोइरालाले बताए । सम्मेलनमा पर्यटन, पूर्वाधार, कृषि, औद्योगिक, ऊर्जा, सूचना प्रविधि र फोहोर व्यवस्थापनलगायत शीर्षक ७१ वटा परियोजना राखिने उनले बताए ।
कृषि तर्फ ४ सय ७० करोड, ऊर्जा क्षेत्रमा २ सय ७७ करोड, औद्योगिक क्षेत्रमा ६५ अर्ब ४० करोड, पूर्वाधार तर्फ ३१ अर्ब १ करोड, आइटी तर्फ ४७ करोड, पर्यटन तर्फ ३५ अर्ब ९७ करोडलगानी भित्र्याउने लक्ष्य राखिएको छ । प्रदेशले लोकल रक्सी ब्राण्डिङदेखि होटल निर्माण, पोडवे सञ्चालन लगायत योजना अघि सारेको छ ।
सम्मेलनमा कोशीका ११ वटा पहाडी जिल्लामा कोदोको रक्सी उद्योग स्थापनाका लागि लगानी जुटाउने लक्ष्य राखेको छ ।
विराटनगरमा मल्टिपर्पाेज कमर्सियल कम्प्लेक्स, फाइभ स्टार होटल, पब्लिक ट्रान्सपोर्ट प्रोजेक्ट, कोशी पोडवे पूर्वाधार निर्माण, विद्युतीय सवारी उद्योग, डाटा सेन्टर स्थापना, डिजिटल कोशीका लागि पूर्वाधार, बेतना सिमसार टुरिजम प्रोजेक्टलगायत योजना मोरङमा छन् ।
सुनसरीमा एग्रो प्रोसेसिङ उद्योग, बर्जुमा बर्जु ताल टुरिजम प्रोजेक्ट, रास ताल टुरिजम प्रोजेक्ट, वाटर पार्क निर्माण, कोशी रिफ्रेसमेन्ट सेन्टर र ग्रीन हाइड्रोजन एण्ड केमिकल फर्टिलाइजर प्रोजेक्टलगायत परियोजना प्रस्तुत हुनेछ ।
उदयपुुरमा क्लिङ्कर प्रोजेक्ट, ग्रीन हाइड्रोजन एण्ड केमिकल फर्टिलाइजर प्रोजेक्ट, झापामा बायो फर्टिलाइजर प्रोडक्सन एण्ड रिसर्च उद्योग, काँकडभिट्टा बसपार्क, मेचीनगरमा इन्टग्र्रेटेड सोलिड वेस्ट मेनेजमेन्ट प्रोजेक्ट, इलाममा देउमाई कफी फार्म, डेरी प्रोडक्ड एण्ड प्रोसेसिङ उद्योग, कन्याम–श्रीअन्तु केबलकार, बुद्धपार्क चित्रे गुम्बा केबलकार, कन्याम मनोरेल प्रोजेक्टलगायत योजना छन् ।
धनकुटामा फ्रुट्स फार्मिङ प्रोसेसिङ उद्योग एग्रो टुरिजम, साँघुरीगढीमा किबी फार्मिङ प्रोसेसिङ उद्योग, एभोकाडो फार्मिङ प्रोसेसिङ उद्योग, भेडेटारमा मल्टिपर्पाेज कम्प्लेक्स, राजाताल टुरिजम प्रोजेक्टलगायत योजना छन् ।
सोलुखुम्बुमा मिनी हाइड्रो परियोजना, चिउरीखर्क नाम्चे रोपवे, चौंरीखर्च छेदिङमा केबलकार, खोटाङमा हलेसी केबलकार–पोडवे निर्माण गर्ने प्रोजेक्ट सम्मेलनमा प्रस्तुत हुनेछ ।
लगानी सम्मेलनका लागि प्रदेश सरकारले ३ करोड रुपैयाँ बजेट छुट्याएको छ । प्रदेश सरकारले आयोजना गर्ने सम्मेलनको सचिवालय व्यवस्थापनमा मात्रै ४० लाख ६० हजार रुपैयाँ बजेट छुट्याएको छ ।
नेकपा एमाले सुन्दरहरैंचाको दोस्रो अधिवेशनबाट अध्यक्षमा डिल्लि प्रसाद ढकाल विजयी भएका छन्। हिजो विराटचोकमा शुरु भएको दोश्रो अधिवेशनमा सहमतिको अन्तिम प्रयास गर्दा पनि सर्बसम्मत हुन नसकेपछि आज अध्यक्ष सहित सम्पूर्ण पदाधिकारीका लागि निर्वाचन भएको हो। अध्यक्षमा विजयी ढकालले १५७ मत प्राप्त गरेभने अर्का अध्यक्षका प्रत्याशी हेमराज सुबेदीले ११५ मत प्राप्त गरे त्यस्तै उपाध्यक्षमा दुर्गा निरौलाले १६४ मत प्राप्त गर्दै विजय भैंइन प्रत्याशी अम्बिका दाहालले १०० मत प्राप्त गरिन ,त्यस्तै सचिवमा दावा तामांग १४९ मत सहित बिजयी भए भने प्रत्याशी बिशाल गुरागाईंले १२१ मत प्राप्त गरे , सहसचिवमा खगेन्द्र पन्धाक १६५ मत र राजेन्द्र धमला १२६ मत सहित बिजयी भएका छन् ।
।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login