कोशी प्रदेश
खाद्य मेलाका सहभागी भन्छन्, ‘विराटचोकमा सोचेभन्दा राम्रो व्यापार भयो’
विराटचोकः शुक्रबारदेखि मोरङको सुन्दरहरैंचामा शुरु भएको खाद्य मेलामा ताप्लेजुङदेखि जुम्लासम्मका उद्यमी खाद्यवस्तु लिएर बिक्री तथा प्रदर्शनीको लागि आएका छन् । उनीहरूका अनुसार सानो बजार भए पनि विराटचोकमा सोचेभन्दा राम्रो व्यापार भयो । यसले आगामी दिनमा यस्ता मेला लागेमा यस क्षेत्रमा स्टल राख्न आफूहरूलाई हौसला मिलेको उनीहरूको भनाइ छ ।
शनिबार दिउँसो १ बजे अधिकांश स्टलमा गएर जिज्ञासा राख्दा विराटचोकमा सोचेभन्दा राम्रो व्यापार भएको भनी उद्यमीहरूले बताएका हुन् ।
ललितपुरबाट मेलामा सहभागी हुन आएका अलस एग्रिकल्चर प्रालिका मार्केटिङ विभागमा कार्यरत राजु श्रेष्ठका अनुसार उत्पादित वस्तुको बारेमा जानकारी लिने र सामान किन्नेको उपस्थिति राम्रो छ । ‘९÷१० दिनसम्म चल्ने मेलामा राम्रो व्यापार हुन्छ’ उनले भने, ‘२÷३ दिन चल्ने मेलामा भने अवलोकनकर्ताले थाहा पाउँदानपाउँदै मेला सकिने हुनाले धेरै राम्रो व्यापार भने हुन पाउँदैन ।
आफूहरूले थाहा पाएसम्मका मेलामा सहभागी हुने गरेको उनले बताए । मेला अवलोकन गर्न आउनेलाई उनी सो उद्योगका उत्पादन सहभागीलाई निःशुल्क चखाउन व्यस्त थिए । राँगा, कुखुरा, झिँगे माछा, सिद्रा आदिको अचार उनी आगन्तुकलाई खुवाउन व्यस्त थिए । त्यस्तै, शाकाहारीलाई भने मुला, कागती, गुन्द्रुक, सिलाम आदिको अचार चखाइरहेका थिए ।
उनको स्टलमा भेटिएकी विराट मल्टिपल कलेजकी प्रिजम सुवेदीका अनुसार फुड टेक्नोलोजीका विद्यार्थीका लागि उपयोगी हुने धेरै किसिमका उत्पादन मेलामा उपलब्ध छन् ।
नमूना कलेक्सन अचार उद्योग इलामकी प्रोप्राइटर कमला बास्कोटा रिजाल पनि आफ्नो स्टलमा आउनेलाई इलामका उत्पादन चखाइरहेकी थिइन् । आगन्तुकलाई अमलाको क्यान्डी, किबी र अदुवाको तितौरा आदि चखाउने उनले मेलामा राम्रो व्यापार भएको बताइन् । पहिलो दिन २२ हजार रुपैयाँको व्यापार भएको उनले बताइन् ।
अकबरे खुर्सानी र टिमुरको अचार, कागतीको अमिलो तथा चौँरीको चीज पनि उनले बिक्री तथा प्रदर्शनीको लागि राखेकी छिन् । उद्यम गर्न चाहनेलाई तालीम पनि दिने गरेको बताउने उनले भ्रमण वर्षको बारेमा पनि अवलोकनकर्तालाई जानकारी दिइरहेको बताइन् ।
खाद्य मेलामा पहिलो पटक स्टल राख्नेहरू के भन्छन् ?
खाद्य मेलामा पहिलो पटक स्टल राख्नेहरू पनि धेरै भेटिए । तीमध्ये अधिकांशले मेलाले व्यवसायीलाई हौसला थप्ने गरेको प्रतिक्रिया दिए ।
पहिलो पटक यस्तो मेलामा सहभागी भएको बताउने हिमालय अर्गानिक सिस्नो प्याकेजिङ भोटखोला सङ्खुवासभाका सञ्चालक वाङ छेदार लामाले सिस्नोको परिकारको बारेमा जानकारी लिनेको सङ्ख्या धेरै भएको बताए । पहिलो दिन १७ जनाले सिस्नोको धुलो किनेको र सामान किन्ने सबैको नाम, ठेगाना र फोन नम्बर राखिएको उनले बताए । १ महिनापछि कम्पनीले सामान खरीद गर्नेलाई फोन गरी आफ्नो उत्पादनको बारेमा प्रतिक्रिया लिने उनले बताए ।
खाद्य मेलामा पहिलो पटक सहभागी भएकी श्री वसन्त कृषि तथा पशुपालन केन्द्र खोटाङकी मुनाकला श्रेष्ठले खाद्य मेलाको अनुभव नभएकाले आफूले थोरै सामान लिएर सहभागी भएको बताइन् । कोदो र फापरको पिठो तथा रायोको गुन्द्रुक आफ्नो स्टलमा राखेकी उनले यो मेलाबाट अनुभव लिएर आगामी मेलामा कसरी सहभागी हुने भन्ने बारेमा निर्णय लिन सहयोग पुग्ने बताइन् ।
त्यस्तै, धोती पोगोडी कृषक समूहले पनि पहिलो पटक खाद्य मेलामा स्टल राखेको छ । समूहका सचिव कीर्तनलाल विश्वासका अनुसार समूहको स्टलमा जातीय परिकारका खाना पाइन्छ । समूहको स्टलमा हाँस र परेवाको मासु, घुँगी तथा भक्काको बिक्री बढी भएको विश्वासले बताए । सो स्टलमा गुलगुलिया र चिचौरी पनि पाइने उनले जानकारी दिए ।
ताप्लेजुङको मेलामा बढी सामान बिक्री
कञ्चनजङ्घा हिमालिका एग्रिकल्चर उद्योग फुङलिङ ताप्लेजुङकी प्रोप्राइटर लीलादेवी दाहाल भने ताप्लेजुङमा लाग्ने मेलामा नै बढी सामान बिक्री हुने गरेको अनुभव रहेको बताउँछिन् । ३ वर्ष अघि उद्योग स्थापना गरेकी उनले भनिन्, ‘ताप्लेजुङ महोत्सवमा धेरै सामान बिक्री हुने गरेको रेकर्ड उद्योगसँग छ ।’
ताप्लेजुङमा लाग्ने मेलामा मेलाका स्थानीय अवलोकनकर्ताका साथै आन्तरिक तथा बाह्य पर्यटकको भीड हुने भएकाले बढी सामान बिक्री भएको हो । अलैँची ग्रेडिङ पनि गर्ने गरेको सो उद्योगले अलैँचीका विभिन्न प्रकारका मसला उत्पादन गर्ने गरेको छ । त्यस्तै, अमला, लप्सी र मेललगायतका फलको क्यान्डी पनि उनको उद्योगले उत्पादन गर्ने गरेको छ ।
Facebook Comment
कोशी प्रदेश सरकारले पहिलो पटक आयोजना गरेको प्रदेश लगानी सम्मेलनमा १ खर्ब ५२ अर्ब १६ करोड बराबरको लगानी सम्झौता भएको छ ।
कोशी प्रदेशका मुख्यदमन्त्री हिक्मतकुमार कार्कीको उपस्थितिमा भएको समापन समारोहमा १ खर्ब ५२ अर्ब १६ करोड लागत अनुमान भएका ४६ वटा परियोजना सञ्चालनका लागि सम्झौता भएको हो ।
प्रदेश लगानी प्राधिकरणका अनुसार कृषि तर्फ आठ परियोजनामा ३ अर्ब, ऊर्जा तर्फ तीन परियोजनामा आठ अर्ब, ६२ करोड, उद्योग तर्फ १२ परियोजनाका लागि ६६ अर्ब ८७ करोड, पूर्वाधारका नौ परियोजना तर्फ ३८ अर्ब ४१ करोड, पर्यटनका १० परियोजनाका ३४ अर्ब १९ करोड, सूचना प्रविधिका दुई परियोजनामा ४७ करोड, फोहोर मैला व्यवस्थापनको ६० करोडको परियोजना सम्झौता भएको हो ।
निजी क्षेत्रका १९ वटा र सार्वजनिक निजी साझेदारीका २७ वटा परियोजना सम्झौता भएको हो । सम्मेलनमा ७१ वटा परियोजना सोकेसिङ गरिएको थियो ।ती परियोजनाको अनुमानित लागत एक खर्ब ७३ अर्ब ४९ करोडको थियो । समापन समारोहलाई सम्बोधन गर्दै कोशी प्रदेशका मुख्यमन्त्री कार्कीले लगानी सम्मेलन सफल भएको बताए ।
कोशी प्रदेश सरकारले पहिलो पटक आयोजना गर्ने प्रदेश लगानी सम्मेलनको तयारी पुरा भएको छ । १८ र १९ वैशाखमा विराटनगरमा लगानी सम्मेलन हुँदैछ ।
सम्मेलनको तयारी पूरा भएको कोशी प्रदेश लगानी प्राधिकरणका कार्यकारी निर्देशक सरोज कोइरालाले बताए । उनका अनुसार सम्मेलनका लागि ७१ वटा परियोजना प्रस्तुत गरिनेछ । ती परियोजनाको लागत १ खर्ब ७१ अर्ब हाराहारी छ ।
विराटनगरको वीरेन्द्र सभागृहमा हुने सम्मेलनको उद्घाटन प्रधानमन्त्री केपी शर्मा ओलीले उद्घाटन गर्ने तयारी रहेको कोइरालाले बताए । सम्मेलनमा पर्यटन, पूर्वाधार, कृषि, औद्योगिक, ऊर्जा, सूचना प्रविधि र फोहोर व्यवस्थापनलगायत शीर्षक ७१ वटा परियोजना राखिने उनले बताए ।
कृषि तर्फ ४ सय ७० करोड, ऊर्जा क्षेत्रमा २ सय ७७ करोड, औद्योगिक क्षेत्रमा ६५ अर्ब ४० करोड, पूर्वाधार तर्फ ३१ अर्ब १ करोड, आइटी तर्फ ४७ करोड, पर्यटन तर्फ ३५ अर्ब ९७ करोडलगानी भित्र्याउने लक्ष्य राखिएको छ । प्रदेशले लोकल रक्सी ब्राण्डिङदेखि होटल निर्माण, पोडवे सञ्चालन लगायत योजना अघि सारेको छ ।
सम्मेलनमा कोशीका ११ वटा पहाडी जिल्लामा कोदोको रक्सी उद्योग स्थापनाका लागि लगानी जुटाउने लक्ष्य राखेको छ ।
विराटनगरमा मल्टिपर्पाेज कमर्सियल कम्प्लेक्स, फाइभ स्टार होटल, पब्लिक ट्रान्सपोर्ट प्रोजेक्ट, कोशी पोडवे पूर्वाधार निर्माण, विद्युतीय सवारी उद्योग, डाटा सेन्टर स्थापना, डिजिटल कोशीका लागि पूर्वाधार, बेतना सिमसार टुरिजम प्रोजेक्टलगायत योजना मोरङमा छन् ।
सुनसरीमा एग्रो प्रोसेसिङ उद्योग, बर्जुमा बर्जु ताल टुरिजम प्रोजेक्ट, रास ताल टुरिजम प्रोजेक्ट, वाटर पार्क निर्माण, कोशी रिफ्रेसमेन्ट सेन्टर र ग्रीन हाइड्रोजन एण्ड केमिकल फर्टिलाइजर प्रोजेक्टलगायत परियोजना प्रस्तुत हुनेछ ।
उदयपुुरमा क्लिङ्कर प्रोजेक्ट, ग्रीन हाइड्रोजन एण्ड केमिकल फर्टिलाइजर प्रोजेक्ट, झापामा बायो फर्टिलाइजर प्रोडक्सन एण्ड रिसर्च उद्योग, काँकडभिट्टा बसपार्क, मेचीनगरमा इन्टग्र्रेटेड सोलिड वेस्ट मेनेजमेन्ट प्रोजेक्ट, इलाममा देउमाई कफी फार्म, डेरी प्रोडक्ड एण्ड प्रोसेसिङ उद्योग, कन्याम–श्रीअन्तु केबलकार, बुद्धपार्क चित्रे गुम्बा केबलकार, कन्याम मनोरेल प्रोजेक्टलगायत योजना छन् ।
धनकुटामा फ्रुट्स फार्मिङ प्रोसेसिङ उद्योग एग्रो टुरिजम, साँघुरीगढीमा किबी फार्मिङ प्रोसेसिङ उद्योग, एभोकाडो फार्मिङ प्रोसेसिङ उद्योग, भेडेटारमा मल्टिपर्पाेज कम्प्लेक्स, राजाताल टुरिजम प्रोजेक्टलगायत योजना छन् ।
सोलुखुम्बुमा मिनी हाइड्रो परियोजना, चिउरीखर्क नाम्चे रोपवे, चौंरीखर्च छेदिङमा केबलकार, खोटाङमा हलेसी केबलकार–पोडवे निर्माण गर्ने प्रोजेक्ट सम्मेलनमा प्रस्तुत हुनेछ ।
लगानी सम्मेलनका लागि प्रदेश सरकारले ३ करोड रुपैयाँ बजेट छुट्याएको छ । प्रदेश सरकारले आयोजना गर्ने सम्मेलनको सचिवालय व्यवस्थापनमा मात्रै ४० लाख ६० हजार रुपैयाँ बजेट छुट्याएको छ ।
नेकपा एमाले सुन्दरहरैंचाको दोस्रो अधिवेशनबाट अध्यक्षमा डिल्लि प्रसाद ढकाल विजयी भएका छन्। हिजो विराटचोकमा शुरु भएको दोश्रो अधिवेशनमा सहमतिको अन्तिम प्रयास गर्दा पनि सर्बसम्मत हुन नसकेपछि आज अध्यक्ष सहित सम्पूर्ण पदाधिकारीका लागि निर्वाचन भएको हो। अध्यक्षमा विजयी ढकालले १५७ मत प्राप्त गरेभने अर्का अध्यक्षका प्रत्याशी हेमराज सुबेदीले ११५ मत प्राप्त गरे त्यस्तै उपाध्यक्षमा दुर्गा निरौलाले १६४ मत प्राप्त गर्दै विजय भैंइन प्रत्याशी अम्बिका दाहालले १०० मत प्राप्त गरिन ,त्यस्तै सचिवमा दावा तामांग १४९ मत सहित बिजयी भए भने प्रत्याशी बिशाल गुरागाईंले १२१ मत प्राप्त गरे , सहसचिवमा खगेन्द्र पन्धाक १६५ मत र राजेन्द्र धमला १२६ मत सहित बिजयी भएका छन् ।
।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login