कोशी प्रदेश
अध्यात्ममार्फत् नेतृत्व र क्षमताको विकास गराउँदै (नारी दिवसः विशेष १)
फागुन २५ गते अर्थात् ८ मार्चको दिन ११० औँ अन्तर्राष्ट्रिय नारी दिवस मनाइँदैछ । यस पटकको नारा म समानताको उत्पादक हुँ, महिलाको अधिकार अनुभूति गर्दैछु’ भन्ने रहेको छ । नारी दिवसको अवसर पारी निष्पक्ष खबरले आजदेखि फागुन २५ गतेसम्म हरेक दिन सुन्दरहरैंचाका केही सङ्घर्षशील नारीको अनुभव र सङ्घर्षको कथा पाठकसामु पस्कन लागेको छ । त्यसै क्रममा इन्द्रपुर समस्त भजन सञ्जालकी अध्यक्ष रुजा घिमिरेले अध्यात्मको क्षेत्रबाट समाजमा चेतना फैलाउन र विकृति अन्त्य गर्न गरेको पहलको बारेमा छोटकरीमा यहाँ चर्चा गरिएको छ ।
सुन्दरहरैंचाका ४५ ओटा भजन समूहमा आबद्ध महिलालाई अध्यात्म र भजनकीर्तन तथा योगको माध्यमबाट सकारात्मक सोचको विकास गराउन, नारीभित्रको क्षमता विकास गर्न र जनचेतना फैलाउन लागिपरेकी रुजा घिमिरे सो कार्यमा सफल हुँदै गएकी छिन् ।
पारिवारिक विखण्डन भएका परिवारमा पनि भजन र अध्यात्मको माध्यमबाट मिलन गराएको उनी बताउँछिन् । त्यस्तै, नेतृत्व र क्षमता विकासका लागि उद्घोषण तालीम गर्ने गरेको र अन्य जनचेतनामूलक कार्यक्रम गर्ने गरेको उनको भनाइ छ ।
त्यतिमात्रै होइन, भजन गाउने क्रममा माइक समाउने अभ्यास हुने र आफ्ना दुःखसुखका कुरा तथा अनुभव आदानप्रदान गर्ने क्रममा बोल्ने बानीको विकास हुँदै गएको आफूले पाएको उनको भनाइ छ । जसका कारण सञ्जालमा आबद्ध हुनेको सङ्ख्या बढिरहेको उनको दाबी छ ।
८ वर्ष अघि तत्कालीन इन्द्रपुर गाविसका भजनकीर्तन समूहलाई आबद्ध गराई स्थापना भएको सञ्जालमा हाल सुन्दरहरैंचाका १,२,५,६ र ७ बाहेक अन्य वडाका भजन टोली आबद्ध भएका छन् । १ नम्बर वडाका २ ओटा टोली पनि आबद्ध हुने क्रममा रहेको उनको भनाइ छ ।
संस्थाको नेतृत्व गर्नुअघि उनले सोही संस्थाको सहसचिवको रूपमा ३ वर्ष काम गरेकी थिइन् । धर्मको नाममा बढेको विकृति रोक्न लागि परेको उनले सुनाइन् । भजनकीर्तन गर्ने अनि त्यहाँ सङ्कलन भएको रकमले वनभोज जाने परिपाटी बढेकाले त्यसको अन्त्यका लागि संस्था लागिरहेको र त्यसमा बिस्तारै सुधार हुँदै आएको उनको अनुभव छ ।
असल सासू, असल बुहारी कार्यक्रम प्रभावकारी बन्दै
संस्थाले गरेको असल सासू, असल बुहारी कार्यक्रम प्रभावकारी बन्दै गएको छ । ज्येष्ठ नागरिकले आफू एक्लो भएको महसुस गर्ने र हीनताबोध गर्ने क्रम बढेकाले त्यो रोक्न लागिपरेको उनले सुनाइन् । ज्येष्ठ नागरिकले एक्लो महसुस गर्नु नपरोस् र कसैले पनि वृद्धाश्रम खोल्ने र वृद्धाश्रममा जाने वातावरण सिर्जना नहोस् भन्ने मनशायले यो कार्यक्रम ल्याएको उनले सुनाइन् ।
सञ्जालमा आबद्ध विभिन्न भजनकीर्तन समूहले असल सासू र असल बुहारीलाई सम्मान गर्ने चलन शुरु गरेको र यसलाई अभियानको रूपमा अघि बढाउने योजनामा सञ्जाल रहेको उनले सुनाइन् । सञ्जालमा युवाको सङ्ख्या धेरै भए पनि बाल, प्रौढ र ज्येष्ठ सबै उमेर समूहका मानिस आबद्ध रहेका छन् ।
आध्यात्मिक चेत फैलाउँदै नेतृत्व विकास गराउन सक्ने भन्दै नगरपालिकाले पनि सञ्जाललाई सहयोग गर्ने प्रतिबद्धता जनाएको उनले बताइन् । योग, ध्यान र प्राणायामतर्फ मानिसको रुचि बढाउन पनि सञ्जालले काम गरिरहेको उनको भनाइ छ । भावनात्मक रूपमा मानिस स्वस्थ नभएसम्म अन्य काम गर्न गाह्रो हुने र सो काम गर्ने मनस्थिति तयार नहुने हुनाले योग, ध्यान र भजनकीर्तनतर्फ मानिसलाई आकिर्षत गर्नेतर्फ आफू उद्यत रहेको उनी सुनाउँछिन् ।
Facebook Comment
कोशी प्रदेश सरकारले पहिलो पटक आयोजना गरेको प्रदेश लगानी सम्मेलनमा १ खर्ब ५२ अर्ब १६ करोड बराबरको लगानी सम्झौता भएको छ ।
कोशी प्रदेशका मुख्यदमन्त्री हिक्मतकुमार कार्कीको उपस्थितिमा भएको समापन समारोहमा १ खर्ब ५२ अर्ब १६ करोड लागत अनुमान भएका ४६ वटा परियोजना सञ्चालनका लागि सम्झौता भएको हो ।
प्रदेश लगानी प्राधिकरणका अनुसार कृषि तर्फ आठ परियोजनामा ३ अर्ब, ऊर्जा तर्फ तीन परियोजनामा आठ अर्ब, ६२ करोड, उद्योग तर्फ १२ परियोजनाका लागि ६६ अर्ब ८७ करोड, पूर्वाधारका नौ परियोजना तर्फ ३८ अर्ब ४१ करोड, पर्यटनका १० परियोजनाका ३४ अर्ब १९ करोड, सूचना प्रविधिका दुई परियोजनामा ४७ करोड, फोहोर मैला व्यवस्थापनको ६० करोडको परियोजना सम्झौता भएको हो ।
निजी क्षेत्रका १९ वटा र सार्वजनिक निजी साझेदारीका २७ वटा परियोजना सम्झौता भएको हो । सम्मेलनमा ७१ वटा परियोजना सोकेसिङ गरिएको थियो ।ती परियोजनाको अनुमानित लागत एक खर्ब ७३ अर्ब ४९ करोडको थियो । समापन समारोहलाई सम्बोधन गर्दै कोशी प्रदेशका मुख्यमन्त्री कार्कीले लगानी सम्मेलन सफल भएको बताए ।
कोशी प्रदेश सरकारले पहिलो पटक आयोजना गर्ने प्रदेश लगानी सम्मेलनको तयारी पुरा भएको छ । १८ र १९ वैशाखमा विराटनगरमा लगानी सम्मेलन हुँदैछ ।
सम्मेलनको तयारी पूरा भएको कोशी प्रदेश लगानी प्राधिकरणका कार्यकारी निर्देशक सरोज कोइरालाले बताए । उनका अनुसार सम्मेलनका लागि ७१ वटा परियोजना प्रस्तुत गरिनेछ । ती परियोजनाको लागत १ खर्ब ७१ अर्ब हाराहारी छ ।
विराटनगरको वीरेन्द्र सभागृहमा हुने सम्मेलनको उद्घाटन प्रधानमन्त्री केपी शर्मा ओलीले उद्घाटन गर्ने तयारी रहेको कोइरालाले बताए । सम्मेलनमा पर्यटन, पूर्वाधार, कृषि, औद्योगिक, ऊर्जा, सूचना प्रविधि र फोहोर व्यवस्थापनलगायत शीर्षक ७१ वटा परियोजना राखिने उनले बताए ।
कृषि तर्फ ४ सय ७० करोड, ऊर्जा क्षेत्रमा २ सय ७७ करोड, औद्योगिक क्षेत्रमा ६५ अर्ब ४० करोड, पूर्वाधार तर्फ ३१ अर्ब १ करोड, आइटी तर्फ ४७ करोड, पर्यटन तर्फ ३५ अर्ब ९७ करोडलगानी भित्र्याउने लक्ष्य राखिएको छ । प्रदेशले लोकल रक्सी ब्राण्डिङदेखि होटल निर्माण, पोडवे सञ्चालन लगायत योजना अघि सारेको छ ।
सम्मेलनमा कोशीका ११ वटा पहाडी जिल्लामा कोदोको रक्सी उद्योग स्थापनाका लागि लगानी जुटाउने लक्ष्य राखेको छ ।
विराटनगरमा मल्टिपर्पाेज कमर्सियल कम्प्लेक्स, फाइभ स्टार होटल, पब्लिक ट्रान्सपोर्ट प्रोजेक्ट, कोशी पोडवे पूर्वाधार निर्माण, विद्युतीय सवारी उद्योग, डाटा सेन्टर स्थापना, डिजिटल कोशीका लागि पूर्वाधार, बेतना सिमसार टुरिजम प्रोजेक्टलगायत योजना मोरङमा छन् ।
सुनसरीमा एग्रो प्रोसेसिङ उद्योग, बर्जुमा बर्जु ताल टुरिजम प्रोजेक्ट, रास ताल टुरिजम प्रोजेक्ट, वाटर पार्क निर्माण, कोशी रिफ्रेसमेन्ट सेन्टर र ग्रीन हाइड्रोजन एण्ड केमिकल फर्टिलाइजर प्रोजेक्टलगायत परियोजना प्रस्तुत हुनेछ ।
उदयपुुरमा क्लिङ्कर प्रोजेक्ट, ग्रीन हाइड्रोजन एण्ड केमिकल फर्टिलाइजर प्रोजेक्ट, झापामा बायो फर्टिलाइजर प्रोडक्सन एण्ड रिसर्च उद्योग, काँकडभिट्टा बसपार्क, मेचीनगरमा इन्टग्र्रेटेड सोलिड वेस्ट मेनेजमेन्ट प्रोजेक्ट, इलाममा देउमाई कफी फार्म, डेरी प्रोडक्ड एण्ड प्रोसेसिङ उद्योग, कन्याम–श्रीअन्तु केबलकार, बुद्धपार्क चित्रे गुम्बा केबलकार, कन्याम मनोरेल प्रोजेक्टलगायत योजना छन् ।
धनकुटामा फ्रुट्स फार्मिङ प्रोसेसिङ उद्योग एग्रो टुरिजम, साँघुरीगढीमा किबी फार्मिङ प्रोसेसिङ उद्योग, एभोकाडो फार्मिङ प्रोसेसिङ उद्योग, भेडेटारमा मल्टिपर्पाेज कम्प्लेक्स, राजाताल टुरिजम प्रोजेक्टलगायत योजना छन् ।
सोलुखुम्बुमा मिनी हाइड्रो परियोजना, चिउरीखर्क नाम्चे रोपवे, चौंरीखर्च छेदिङमा केबलकार, खोटाङमा हलेसी केबलकार–पोडवे निर्माण गर्ने प्रोजेक्ट सम्मेलनमा प्रस्तुत हुनेछ ।
लगानी सम्मेलनका लागि प्रदेश सरकारले ३ करोड रुपैयाँ बजेट छुट्याएको छ । प्रदेश सरकारले आयोजना गर्ने सम्मेलनको सचिवालय व्यवस्थापनमा मात्रै ४० लाख ६० हजार रुपैयाँ बजेट छुट्याएको छ ।
नेकपा एमाले सुन्दरहरैंचाको दोस्रो अधिवेशनबाट अध्यक्षमा डिल्लि प्रसाद ढकाल विजयी भएका छन्। हिजो विराटचोकमा शुरु भएको दोश्रो अधिवेशनमा सहमतिको अन्तिम प्रयास गर्दा पनि सर्बसम्मत हुन नसकेपछि आज अध्यक्ष सहित सम्पूर्ण पदाधिकारीका लागि निर्वाचन भएको हो। अध्यक्षमा विजयी ढकालले १५७ मत प्राप्त गरेभने अर्का अध्यक्षका प्रत्याशी हेमराज सुबेदीले ११५ मत प्राप्त गरे त्यस्तै उपाध्यक्षमा दुर्गा निरौलाले १६४ मत प्राप्त गर्दै विजय भैंइन प्रत्याशी अम्बिका दाहालले १०० मत प्राप्त गरिन ,त्यस्तै सचिवमा दावा तामांग १४९ मत सहित बिजयी भए भने प्रत्याशी बिशाल गुरागाईंले १२१ मत प्राप्त गरे , सहसचिवमा खगेन्द्र पन्धाक १६५ मत र राजेन्द्र धमला १२६ मत सहित बिजयी भएका छन् ।
।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login